Det Vestnorske Teateret / Teater Vestland (Bergenspremiere 26. oktober)
Bergenspremiere 26. oktober! I dette humoristiske teaterstykke av Finn Tokvam får publikum vite ein heil del om Sogn og Fjordane og Hordaland som dei sikkert alltid har lurt på, og ein heil del som dei ikkje visste at dei lurte på. Kjøp billettar
26.10 – 12.11
Det Vestnorske Teateret (i Logen)
Varigheit: 1 time og 15 min
BIllettsalet er i gong att! Sikre deg no, desse fyk unna.
Kva skjedde på Gulatinget?
Låg dei tyske keisarane med damene på S-laget?
Går det an å flørte i dalatrekk?
Er det trist når nabosvinet døyr?
Kva har skjedd og kor er vi på veg?
Kort sagt: Kven er vi?
Framsyninga er ei gåvepakke frå Teater Vestland og Det Vestnorske Teateret til alle innbyggarane i det nye fylket. Ei rekke påstandar, særpreg og historiske hendingar blir presenterte, gjenskapte, diskuterte og avklarte, slik at vi kan vandre vidare saman.
På scena står Claus Sellevoll frå Alversund i Nordhordland og Sigrid Moldestad frå Breim i Nordfjord. Finn Tokvam har skrive teksten. Arvid Ones har regien.
AV Finn Tokvam
REGI Arvid Ones
KOMPONIST Odd-Erik Lothe
LYSDESIGN Krystian Myska
MEDVERKANDE
Claus Sellevoll
Sigrid Moldestad
«Vestland, Vestland» er produsert av Teater Vestland og Det Vestnorske Teateret.